因颱風取消賽事後，相隔一星期再於谷草有九場夜馬，一百零六匹參戰馬雖然有四十匹上星期已刨過，叫做慳返一點睇片時間，但其實配搭，檔位及步速圖等都不同，一樣要重新度過，當中呂廄似乎有較多實力馬同晚上陣，其次實力馬分佈都頗平均，預計練馬師王都要咬得幾緊湊。
第二場 第四班 (40-60分) 1650米
「合夥年代」季內雖無甚表現，但回看兩仗都是前置馬主導，而上仗直路更大半程受困無路衝刺，可以說是藉口的敗績。埋門快跳活躍感足，具作戰狀態，查上季人馬合作贏同程時同樣排內檔起步，兼可守主動位置，今仗或重現贏馬時形勢。
「蟲草之凰」前仗直路困塞無跑，上仗直路走近最內疊應屬不利路段，所以雙蝕下只負兩乘許可以接受。
「彩虹之光」剛戰看似一步都無，但沿途跟前先是快步速受害者，而直路貼近最內欄亦屬不利路段，敗績未可盡信。
「勇進齊心」上仗望空被頂三四疊轉彎，際遇惡劣不堪，今次排檔稍為內移，而且同場前領馬唔多，有力賺回形勢。
第三場 第四班 (40-60分) 1650米
「勁叻仔」(上圖)剛戰起步唔慢，但奈何因應檔位耍留後角逐，然而在慢步速的情況下可交出最快末段收復失地，足見北半球五歲馬仍在戰鬥力黃金期，今場其餘對手能力及狀態各有瑕疵時，相信排返好檔上陣，幕後再把握機會攻堅。
「世澤歆星」雖然操練上稍有停缺，但埋門單跳馬身飽滿，神態對辦，同程五戰有三次入位，加上今場快馬唔多， 一檔起步的牠預計多數可霸守好位角逐，正路要揀。
「皇者驕傲」上季曾在此程負重磅兜大彎之下有追，反映馬兒谷草賽場可應付，而上仗一整條直路跟守馬群內難於發揮，敗績未可盡信，今次轉場換人兼換配備，存有變身因素。
「赤火驍龍」勝後快跳更見活躍，狀態更勝上仗，雖然上仗沿途步速快，正合此匹大步均速賽駒發揮，不過今場如果步速偏慢，排中檔走位上較靈活，有氣量的牠提防可中段變奏，所以配腳仍可兼顧。
第七場 第二班 (80-100分) 1000米
一堆快馬在場，估計有正常偏快步速，所以傾向後上馬埋手。
「心之行」重口馬上仗一早望空兼半程走外疊，相信是敗績主因。而今仗排內檔有先取遮擋，或有力重現上季同程入位時的形勢。
「艮志騰雲」 剛戰匆匆相隔七日上陣，老馬在硬拼後未必可以打疊，而且放頭稍屬不利形勢，今戰再到從化小休兼操，可望有回體力形勢。
「志勝時機」埋門再試加油閘除除撲上，狀態有增無減，少負十六磅亦有助争勝。
「宜春輝煌」 上仗選擇拖後無可厚非，負最重遇快步速走外檔吃力非常，末段有追足見鬥心還在。
(波仔 9/11/2022)
Comments