第一場 第五班 (0-40分) 1800米
「閃亮老撾」初出跑谷草一哩，沿途跟守偏快步速，末段仍有反施之力，跟貼主馬群過終點，可見有一點長力，陣前屬季內初上從化，快跳見上力，四歲質新馬輾轉已落五班對疲弱對手，可給予寄望。
「駿彩飛馳」前仗留後直路抄出中外檔跑線，締最快時間追入一席，亦帶點反步速趨勢味道。查不乏同父馬可在谷草交出表現，轉場而臨未可忽視。
「雄昇勇士」剛戰殿後完全受制於超慢步速，可謂晨課般的大閘一場，匆匆再跑換回人馬合作不俗的鍾易禮，如起步立心搶返前，可防變身。
「架勢奇爸」上仗雖是快步速受益者，不過直路沿中內欄上前取位不順，少負四身位只是際遇問題，回師谷草一來根據較多，而可中段變奏的牠更多一項瓣數發揮。
第三場 第四班 (0-60分) 1650米
「華美之威」上仗與「先到先得」同場，該場賽事步速屬正常，而此駒屬三甲馬中唯一放頭跑亞軍，屬反步速趨勢賽績。今次排二檔，應繼續能搶岀放頭，跑法主動有力補中。
「先到先得」與前駒同場，但跑法剛剛相反，而該場類似跑法嘅「納百川」再岀再贏。今仗呢匹馬抽一檔步可沿途留守內欄好位，亦可因應形勢而未必盡然留最後先衝刺，也屬今場勝要角。
「北海盗」此程好手，同程八戰只有兩次不上名，當中更有三次冠軍。呢匹馬今季曾於 160場次同程跑第三，而該場賽事水準亦不弱，雖然今次排較外檔起步，但以此駒路程適應性去計算，拖一票亦無妨。
「勝意」係十一月贏同程後，其後兩戰均後上得第四，當中 233場次係慢步速受害情況下，末段做岀快末段完成賽事。今次易配巴度，雖騎練六次合作只能交岀一場頭馬，但馬房鬥志必佳，可作冷門配腳看待。
(波仔 15/1/2025)
Comments