第一場 第五班 (0-40分) 1650米
「馬特峰」上仗大外檔起步，沿途走住二、三疊形勢上稍吃虧，但直路走勢甚強，末段更能交岀快時間追回一席第二，馬兒已納入正軌，回師贏馬路程且排好檔，跑法主動有力再贏。
「冠寶駒」前仗段速不俗，上仗還盅放入一席第三，但似乎沙田長直路往往未能貫注到底，再翻查統計資料，馬兒跑谷草同程最正宗，環顧今場馬放頭馬偏少，內欄幾匹對手前速相對慢，四檔起步有權再度領放受惠步速形勢。
「進優自在」另一匹近期係賽績水準見好嘅馬，對上兩仗賽事身前對手再岀均能補中，雖然五班馬難言能否保持，但以近績以及班底，呢匹馬要再走入一席並非難事，可作配腳。
「聰明導彈」上仗沿途外疊，入直路更抄外疊衝刺，表現欠佳可有藉口，而回看前仗谷草同程均可締極佳末段時間走入第二，九歲馬能力猶在。回師谷草排中内檔起步有利，作配亦不為過。
第二場 第四班 (40-60分) 1200米
「運來伍寶」雖然賽績上從未有過表現，但轉馬房後此駒已見有起色，上仗雖受惠快步速追入一席第四，但馬兒尾八百米做岀時間甚佳，帶點反步速趨勢味道賽績。今仗排二檔起步有力守好位競跑，可優先選擇。
「金匯昇昇」上仗岀閘快，可惜排八檔被迫在二疊競跑，形勢非有利。今次再爭同程，排檔內移，取位上可更靈活，也屬爭勝份子。
「炯炯有神」前仗排一檔沿途走內欄贏馬，姿態從容，蹄下敗將「真心傳奇」及後取得一勝一位，賽事水準甚佳。上仗排十檔留後外疊走落敗不足據，今次抽一檔有力重現前仗贏馬時形勢。
「綠族威」上仗雖然仍然未能勝出，但觀乎三甲馬沿途走位，似乎一席亞軍有反趨勢的味道，易位難贏馬勝在跑法主動的，在核心配腳範圍時刻要兼顧。
(波仔 8/1/2025)
Comentarios