第七場四班1200米
轉倉到呂健威的「水晶酒杯」，在上手蔡約翰馬房時都有準繩的表現，九場全在田草短途上陣，只有一次失獎金，更有 1W5Q 的良好賽績，轉倉後晨課仍見好，初跑谷草有二檔之助，雖然要頂磅上陣，勝在會賺級數，可搏保持一向的準繩度。由苗禮德散倉到巫偉傑的「小刺蛋」，近三仗轉到此程得冠亞季各一次，這匹後追馬谷草更合，今場八號馬都要孭130磅，對上的馬匹多是在消化評分及跑法稍蝕，此駒繼續有贏馬拍擋布文，馬又有近績支持，大有機會成為這位本地新倉的開齋馬。
第八場三班1200米
呂健威馬房的「傑出漢子」(上圖) 在常跑近之下，於此程成功以兩個半馬位贏翌仗補中的「明心知遇」，賽前試兩課閘，第二課閘輕鬆以佳勢輕勝，現評75分才開始展開升浪，應屬二班頂貨色，馬房跨季連捷成功率高，剛戰亦食出大三元，以八場頭馬升上練馬師榜首，有五匹是跨季贏馬，質新贏開的分子保持有表現，繼續可為開鑼至今，次次有馬贏的呂健威再添頭馬。三班會有利的「巴薩諾瓦」，上場都可追入第四名，雖然千二米不及一千米好，熱過身一場後，可搏有進，難得班德禮有嫡系坐騎，亦是替此駒開齋的騎師，落回三班只要留得好取位順利，憑後勁可跑入嚟，冷冷地拖一票無妨。
第九場三班1200米
一對叫跨季三捷的升班馬可控制大局：此程兩連捷的「太陽拍檔」，上場贏來驚險，若不是亞軍的「宏才」直路彎受困，未必能以短馬頭位勝出，今場升班先孭少十五磅，姚本輝都力撐這位新南非騎師基根，每次都提供坐騎，這匹谷草千二米好手，四戰全入圍，近兩場更贏馬而回，排二檔對這匹守好位的跑法會有幫助，可為騎者再在谷草贏馬。轉場的「瑰麗人生」，兩仗均以不足一條頸位取勝，以前仗在715場次贏馬的賽績計，其蹄下敗仗「福國寶」及「駿行星」之後亦有馬贏，今次面對一群三班的份子，憑藉騎練的旺氣，跑法與前駒相似，相信會應付到谷草的場地，賽前有試谷閘肯追馬，只跑了四場的五歲馬，仍會有上升空間。
馬王六環彩提供
第四場 | 1自然力量 | 4三江飛輪 |
第五場 | 3協奏曲 | 11獨角獸 |
第六場 | 6皇者烽火 | 10宏才 |
第七場 | 1水晶酒杯 | 8小刺蛋 |
第八場 | 1巴薩諾瓦 | 5傑出漢子 |
第九場 | 7太陽拍檔 | 10瑰麗人生 |
(馬王 27/9/2023)
Comments