第二場 第四班 (40-60分) 1200米
「越駿知己」近兩仗均見好入位，上仗排大外檔起步局住留後內欄走，受制於慢步速，末段衝岀全場唯一 23秒內快末段。今場強手已去，排檔內移比上仗為佳，七歲馬趁回勇必然拼盡。
「上校」季初曾於 049及 106場次兩場放頭贏馬，查呢兩場身後敗將再岀均能勝岀，反映賽事水準甚佳。環顧今場賽事快馬偏少，估計可再放頭賺形勢，對手非強，也屬爭勝要角。
「千杯敬典」上仗受惠於慢步速，跟前跑入一席第二，賽績未算太突出。今仗排五檔，估計可守係二叠前置可入位，配脚。
「超強六十」此程可能會比較嫌長，但此駒近仗係谷草一千後追一段甚有睇頭，尤以上仗以最快末段追入第四，時間討好。今仗排九檔起步可立心留後入直路衝刺，拖一票無妨。
第七場 第三班 (60-80分) 1000米
「連連幸運」前仗於利追步速贏馬，而牠也算是該組的前置馬中表現最好一匹；同場前置落敗的「天足貓」翌仗已匆匆提升名次跑入三甲，所以其頭馬表現要調高，上仗落敗不排除相隔日數太短之下加至重磅上陣帶來壓力，而今仗起用減磅見習生之餘，縮程遇上另一批對手，在減磅及氣量優勢下，可防回馬槍。
「紅逸舍」剛戰也算是反趨勢的亞軍，埋門拍跳依然躍躍欲試，中年馬當銳相信用盡一時。
「年少多好」一再跑同程蝕快步速形勢下入位，回師三班評分區域，配腳仍要兼顧一席。
「英雄豪邁」快跳仍然精神奕奕，看前仗同程劣勢下追入位，今仗半數馬匹近況一般，如前中段攝入二疊，相信已有力爭一席。
(波仔 5/2/2024)
Comments