因應騎師荒而成為雷霆救兵的馬昆，杜苑欣及莫雅，短短客串幾天都有骨落地，而起初被外界看淡的奧爾民，麥當能及金誠剛都分別有馬贏同上名， 即使約滿起碼唔駛做三零部隊，大家又點睇呢幾位「新丁」呢？當中麥當能經驗老到，跑長途唔駛點搶位仲有排一檔，差極都唔會無哂譜，而個子高大奧爾民則更有驚喜，如果好運一點已經 3W，網民說有白德民的影子的確有幾分相似，金誠剛今回已有六匹座騎，當中不乏機會份子，波仔都希望佢交到成績，亦比啲推動力諸位公司騎師，唔好虛沒光陰。
隸屬賀賢馬房的「賢者無敵」，此駒近四仗於級際賽面對「嘉應高昇」，「驕陽明駒」等當銳賽駒，唔夠跑十分合理，不過呢匹五歲馬近仗已經愈輸愈近，而前仗在百週年紀念盃平磅跟「幸運有您」同到終點，而「幸運有您」上仗跑回讓磅賽亦已取勝，由此伸算「賢者無敵」今仗重返一班賽，而同一時間只需要讓實力賽駒一至兩磅，純計死數已相當著數，埋門快跳活躍感亦所提升，在賽程偏少下，相信屬爭勝交代好時間，特別一提尤達師兄表示，今次癲馬精選兩注本錢均 All-in 押在牠的獨贏身上，以表決心！
癲馬精選: 第八場 1賢者無敵
癲馬 1760基金 (本金全季＄1760，每次投注 WP各＄10)
承上結餘：$ 1897.00；盈/虧：+ $17.00
結餘：$ 1877.00；回報率：+ 6.65%
(波仔 9/3/2025)
Kommentare