膨才欣逢弱旅

第六場三班 1200米

今季已 2W 的「增強」，前仗初跑三班落第後，翌仗在出閘一般及四百米處受困的情況下，由大外檔跑入 Q，都蝕咗跑線及形勢，今次排到二檔，際遇及形勢會比上仗大幅改善，絕少大敗兼跑九次有八次入三甲，三班必夠。經常得罪檔位的「魯班精神」，常在外檔都跑入三至六名，今仗又抽到十二檔，更出到潘頓務求能取得今季的首場頭馬，加上趁對手不多，潘頓唔會留得太後，跟前些少再在直路上騎上嚟，睇吓幫到幾多這匹常負於強手的丁廄馬。

第九場三班 1400米

四戰得三冠一季的「膨才」，前仗初上三班都可以贏馬，上仗初用田泰安亦追入第三名，已於三班站穩陣腳，今次首配潘頓，雖然要以頂磅應戰，今場有近績的對手唔多，屬三班的弱組，現評 75 分，贏埋今場上二班。上場初跑一哩全程無遮擋的「神馳」，在外疊只能維持走勢跑沿途的名次第四名，今次跑回 2W 的路程，首配馬房愛將艾道拿，當打的四歲馬可追可放，因應六檔在無明顯放頭馬的情況下，可在前面的位置跑，會重現贏馬時的威力。

第十場三班 1600米

蔡約翰馬房的「首飾天空」，跑了四場梅花間竹咁贏，上仗初跑三班只以一條頸位追不到放頭贏馬的「康樂高球」，而在最後二百米及一百米又向內斜跑、又要停止催策及修正，三歲仔會成熟再進，用回 2W 拍檔布文，發揮正常增程也可贏晒。跑回田草的「本領輝煌」，上場嘗試谷草 1650 米，沿途在內欄都無乜位，當佢無跑過，今次回師一戰即入 Q 的路程，回配首兩仗都入圍的艾兆禮，隔了三場後再回田草或能為這匹今季 PP 帶來新鮮感，一於敲一席位置。

馬王六環彩提供

第五場	1 天星	2 閃光燈
第六場	3 增強	8 魯班精神
第七場	3 又龍串鳳	5 遨遊武士
第八場	5 金風萬里	9 紅衣醒目
第九場	1 膨才	2 神馳
第十場	9 首飾天空	11 本領輝煌

(馬王     6/4/2025)