七一總要在雨天，地獄賽期人都癲! 執筆之際正掛著一號風球，預計賽事會在天雨中進行，大家要臨場執生場地的狀況。
第六場四班1400米
今場無放頭馬，後追轉跟前贏馬的「翔龍再現」(上圖)今場會賺到好形勢，前仗贏馬後，上場潘頓後追亦跑入第三名，反映仍有分在手，今次回配上賽成為騎師王的希威森，孭128磅排十檔，而贏馬一役正是由此君在黏地排外檔取得，人馬重臨，可以再贏。
文家良馬房的新馬「美滿星雲」，跑了兩場後已開始有表現，上場改用跟前的跑法，效果唔錯，在二疊跟放頭馬跑，返到嚟最後三百米一度透出，到了最後百五米才被越過，跑了一席第五名，今場繼續配巴度，孭124磅排四檔，已試到了最佳跑法，拖腳一定要。
第九場三班1600米
接連兩場入圍的「一先生」，上場千四米田泰安又跌鞭亦跑入第三名，輸俾與潘頓合拍的「美好世界」一又四分三馬位，如非跌鞭，相信會更近，今次配曾替此駒跑入第四名的班德禮，孭133磅排十三檔，馬房連勝十期後雖然上次斷纜，這匹「一先生」已開始到位，可替姚本輝馬房再贏馬。
正在上升氣勢如虹的「自勝者強」，一口氣連勝兩場千四米，今場雖然要面對升班兼增程，不過馬房是蔡約翰，繼續由上場孭133磅都贏馬的潘頓執韁，孭128磅排一檔，今場對手不太強，預計仍是坐二望一的馬匹。
第十場三班1200米
上次雖然跑第四的「識贏」，主因上場的處理手法，跟馬跑守在內欄的第三位，返嚟只是保持走勢得第四名，今仗繼續有莫雷拉，孭132磅排九檔，只要搶到前面效果會不同，可重現真身，馬房爭冠軍，屬今場馬膽之材。
越跑越好的「電源之駒」，在一千米直路贏馬後回了一場，上場重入位置，跑了第三名，負於「逆市奇爸」一個馬位，今場回配巴度，孭127磅排一檔，巴度在591場次騎過一次亦跑入第三名，只要唔塞可展現後勁挑戰前駒。
馬王六環彩提供
第五場 | 2 英雄豪傑 | 7 卓見真知 |
第六場 | 3 翔龍再現 | 9 美滿星雲 |
第七場 | 2 八仟師 | 6 時時滿意 |
第八場 | 1 美麗笑聲 | 12 友盈友福 |
第九場 | 1 一先生 | 5 自勝者強 |
第十場 | 4 識贏 | 6 電源之駒 |
(馬王 1/7/2022)
Opmerkingen