紅衣醒目田草補中

上期尤達師兄提及上一次日馬「癲馬精選」揀嘅「嘉應駿昇」患有「喘嗚症」死得不明不白，事過幾日，官方再出新聞稿提及馬兒「在進口香港前曾接受手術，以矯正「喘鳴症」的情況；而且小組確定獸醫事務部出現人為錯誤，導致有關資料未有於該駒出賽前公佈」，咁波仔認為就今次有份投注的人士更加無辜辜，可謂蒙在鼓裡，據新聞稿提及官方現正進行全面調查，但點補鑊都好，怎樣都掩蓋不了今次的嚴重錯失。

今次揀第八場轉場初跑沙田的「紅衣醒目」，此駒上仗渡江初試蹄聲，賽前捧成大熱門，但其實不少朋友對此綵衣有一定寄望，應是四班過客，買佢前景，但父母兩線均屬跑中距離甚至更長路程會更好，所以筆者恐怕跑千二實在太短，故只作配腳看待，結果馬兒只能後上得一席季軍，但其實末段愈追愈好，賽前操練工序無缺，上力勝前，幕後亦唔再試千二，即轉場跑長直路千四，似乎都有點不敢怠慢之感，再看同場不乏有近績實力馬，如賠率扯得散，此駒值得一搏。

癲馬精選: 第八場 9紅衣醒目

癲馬 1760基金 (本金全季＄1760，每次投注 WP各＄10)

承上結餘：$ 1971.50；盈/虧：+ $ 59.00

結餘：$ 1951.50；回報率：+ 10.88%

(波仔  6/4/2025)