第七場三班1800米
匆匆再戰的「飛輪步」上場入第一個彎時意外多多，搶唔到前段後一縮又畀馬撞又沿途走蝕位，都可以由尾疊追入第三名，人哋跑1650米，佢就跑咗超過千八米，所以已有足夠氣量應付此程，今次由十二檔變排在四檔，有周俊樂減兩磅會跟返前啲跑，前仗連放頭也差點到，跑後上又有，試準後已到了贏馬時候。另一匹同樣由大外檔轉排好檔的「勝益善」，上場初跑谷草可以由最後追入第六名，仲要在早段直情脫咗節，之後入直路彎踩油在最外疊有走勢地蝕位追回甚多，今次排三檔會有遮擋，此駒一跑谷草就有追勢，場地適應得快，亂局宜向冷埋手，未有證明的「勝益善」冷味十足。
第八場三班1200米
初上三班也有位置的「瑰麗人生」(上圖)，初跑谷草負於其後再贏的「閃電」一條頸位，以一匹只跑了四仗在四班兩連捷的馬匹，面對升班轉場也差點可贏的馬匹來說，評分仲有在手，值三班頂貨色，正在進步中的馬匹熱了身後可重現贏馬本色，排慣中檔不防礙跟前走的發揮，希威森騎慣騎熟，今場對手不多有力補中。上場沿欄追入第三名的「平常心」已成季無贏，上季連入位置都少，十二仗只有兩次入圍，在上季連一班賽也可入Q，現居三班對這匹要打折扣的七歲馬已有能力反彈，上場負於臨場瘋狂落飛的「快搏」個多馬位，今場同樣有內檔之助，全闊A攔排一檔，又可偷內欄的位置追上，有班利兼有賠率，拖腳首選。
第九場二班1200米
已收夠熱身之效的「明心知遇」，連上場跑谷草最短途都入Q，並沿欄在最後的位置追回極多，負於四連勝的「四季醒」，在谷草一千米能有此追勢，屬高質貨色，於二班已跑了兩場，跑回耍家的谷草千二米，五戰有一冠三亞的佳績，巴度近三次賽事已兩次有馬贏，手風開始轉順，這匹近兩次都是由他取得獎金的坐騎，已到了今季開始贏馬的首仗。此程例好的「小霸王」已衝到上二班，上場只以短馬頭位不敵季內三戰得兩冠一亞，臨場票如雨下的「合夥雄心」，以季內初出及多負十六磅的情況下，可力迫當銳的對手，升上二班兼117磅最輕磅，憑藉路有專長，人馬合拍，對手多有疑點，五歲馬正值壯年，未斷纜前繼續追捧。
馬王六環彩提供
第四場 | 4奇寶 | 6顏色王子 |
第五場 | 8武林至尊 | 12美滿星雲 |
第六場 | 1有財有勢 | 3電訊飛車 |
第七場 | 4飛輪步 | 7勝益善 |
第八場 | 2平常心 | 7瑰麗人生 |
第九場 | 10明心知遇 | 11小霸王 |
(馬王 8/11/2023)
コメント