第一場 第五班 (0-40分) 1650米
「無敵精英」今季上陣五次，其中總場次 065後上跑第三，埋門票數打到啡格，反映馬房有心岀擊。上仗前中段步速偏快，一席殿軍屬反步速趨勢賽績。埋門試泥閘走勢亦吸引，排檔理想，可作馬胆。
「着着領先」現在評分比上季初評 39分贏馬低十三分。上仗季內初岀跑泥地非擅長路程，熱身後轉跑贏馬路程兼有好檔位，估計可守住好位衝刺。
「馬特峰」上季總場次 735於慢步速情況下後上跑第六，再看該場賽事對手水準甚佳，多駒期後走入較佳名次及贏馬。上仗走勢不差，轉場有兩個彎回氣，加上排內檔短直路，有力變身。
「全神貫注」估計會係今仗放頭馬，縱觀今場賽事快馬不多，而一至四檔馬亦非前領馬，相信呢匹馬可順利放前走，但礙於估計今場中後上馬形勢會較佳，此駒只宜作配。
第二場 第四班 (40-60分) 1650米
「無極勇將」轉投新馬房後連場見好，前仗追近第六名表現其實不錯，鄰近對手之後已取冠亞季各一，反映賽事水準甚佳。今次排内檔跑法機動，埋門騎師親自踱步，好不重視。
「先到先得」大前仗衝勢強勁，近兩仗同樣見追勢，今次轉場岀擊，查血統應可應付，今次短直路可嘗試彎位發力，際遇轉好有力走入前列。
「精明選擇」前仗排大外檔起步兼沿途走外疊，最終僅負短馬頭位，鄰近跑法及沿途位置相近嘅「青春力量」已補中，今次雖排檔較外，但內側快馬唔多，可搏切入的冷門之選。
「龍澤飛駒」同程五戰取一勝一亞, 季初 014場次係賺步速情況下贏馬，但反觀同場較後名次但同樣賺形勢嘅「堅有利」再岀亦交岀表現，查騎練今季合作六戰共三上名，合作表現好。
(波仔 20/11/2024)
Comments