第四場二班 1000米
以往得個 "近" 字的「星際快車」終於在直路賽放到返嚟，今次轉嚟谷草最短途搵食，九匹馬抽咗九檔，要睇起步後的際遇，守到前面的位置跑仍有糊叫，搏蔡廄馬開竅後可以再進，在一至四號馬都見盡下，對手不多穩位望再贏。近兩場得位置的「年少多好」，升班後孭住全場最輕磅 115 磅，全數上名都在此程兼唯一的勝仗，賽前試閘出色，飛快地贏，排三檔亦非常好跑，可放可守夠機動，初跑二班亦有贏面。
第七場四班 1200米
一配潘頓再轉到谷草得第三名後的「北地烈馬」，翌仗以放頭戰略，慢放後就算有馬上嚟挑戰，一騎加速之後即以良好走勢直奔終點，贏對手「妙玲瓏」近兩個馬位，人馬再臨可再贏兼升班。連仗在五班入圍的「三代同心」，上回四班孭 116 磅輕磅，與上場一樣又抽大外檔，要睇巴度早段的處理，在外疊不要落後太多，始終是贏過四班頭馬，憑著連續三仗入 Q 穩定的近績，可以一戰。
第九場三班 1200米
與巴度合拍的「椒椒醒」，一回配後即入 Q，只負於質新有近績支持的「連連幸運」短馬頭位，上到三班仍可有好表演，趁勇隔一星期匆匆再跑，後追馬排中檔會更安心，正值壯年的五歲馬仍有水位，望能替廖康銘馬房取得 2025 年的頭馬。跨季七場專攻此程的「撼天鐵翼」全部有獎金，六歲北半球馬雖然只是贏過一次，勝在踏入穩定期及例牌追上嚟，無咗騎開的班德禮換上布文，今季在十月跑過一次後，分別在十一月及一月頭試閘仍好肯追馬得第三，季內第二次出賽夠新鮮。
馬王六環彩提供
第四場 | 7 星際快車 | 9 年少多好 |
第五場 | 8 勝萬金 | 10 超強六十 |
第六場 | 7 海藍寶 | 10 光輝所願 |
第七場 | 2 北地烈馬 | 12 三代同心 |
第八場 | 2 和平波 | 4 太陽勇士 |
第九場 | 4 撼天鐵翼 | 9 椒椒醒 |
(馬王 15/1/2025)
Comments