第一場 第五班 (0-40分) 1650米
「喜勝威龍」上仗閘前有票數下跑入一席季軍，亦相頭二馬走不利路段，表現不俗，回看上季 629 場次全程放係守係前列二，三位走贏馬，相信放領跑法屬此駒最佳跑法，今場快馬唔多，有力再賺。
「領頭先駒」上仗排大外檔兼遇上慢步速，屬慢步速受害者，加上直路走中間衝刺時遇滯阻，係未能完全望空嘅情況下後追跑第四，今次排檔形勢應大有改善，有力破悶局。
「贏科超影」六勝同程，上仗 047 場次賽事水準高，同場「富起來」、「果然得」剛於周日包辦連贏，賽績硬淨，然而老黃忠上仗以快末段追入一席，老馬仍具戰鬥力。
「上市魅力」上季中後期至今季初打疊七戰跑入三甲，前仗蹄下敗將「富起來」已補中，五歲馬進入大熟期，未斷纜馬匹未可輕易言棄。
第八場 第三班 60-80分 1200米
「撼天鐵翼」前仗賽事水準甚高，皆因蹄下敗將「時尚風趣」、「家樂龍駒」之後相繼補中，足證此駒居三班份量十足，埋門從化草閘起步順滑且可輕鬆緊咬高分馬，末段走勢從容不迫，有力一岀即勝。
「明心知遇」上仗沿途留到最尾，雖賺步速但直路上取位際遇亦欠順，否則已有力贏馬，而埋門大閘起步唔慢，直路兜大彎跟跑而回，所以名次不用理會，可搏蔡廄馬熱身後有更一步表現。
「飲杯」上仗早段於偏快步速二疊望空競跑有一定難度，今次繼續排一檔外，升班負磅驟減亦可能有助發揮，陣上曾識追馬的牠，於有快馬場合相信可以應付。
「時尚風趣」上仗段速結構為前正常後偏慢，再結合前五名馬有四匹早段留得較後馬匹，所以跟前競跑的頭馬屬反趨勢賽績，而且再積弱馬房中的頭馬更要尊重。
(波仔 9/10/2024)
Kommentare