第四場 第四班 (40-60分) 1200米
「綫路達飛」四歲馬今季插班後一直集中喺谷草千二米上陣，其中亦取得一冠一亞成績。上仗岀閘快，可惜排檔關係，沿途走三叠，落敗不足為據。查呢匹馬血統資料，同父馬沙田短途成績亦岀色，相信呢匹馬應不例外，轉場非無的放矢，變身可期。
「英雄戰歌」上仗季內初岀即跑入一席亞軍，身後嘅「騰龍四海」翌仗隨即補中，「手錶之星」亦再岀入Q，加上自身喺該場賽事為快步速受害者，賽事水準不容懷疑。賽後操練工夫繼續保持，操足而臨意圖推翻大局。
「一定超」插班初岀，賽前三課試閘均認真考驗，尤其以埋門兩課泥閘快特別吸引，當時岀閘敏銳，但按上人刻意留住係尾後位置跑，入直路係外欄認真考驗此駒追馬能耐，走勢以及姿態輕鬆；相信呢匹馬有心一岀即拼，不可不防嘅質新份子。
「開心樂園」先前入Q 以及勝岀頭馬均屬相對強組賽事，其中 240場次贏嘅更是「神馳」，足證此駒質素非等閑之輩，贏馬加分後進度似有所徘徊，而且上仗更無故大敗。賽後係從化小休做工夫，大圈、草閘做齊，其中兩課試閘走勢含蓄，今次再開上戰陣可防回復真身。
第八場 第三班 (60-80分) 1200米
「心裡有數」曾於 284場次跑第六，尾八百米後上跑岀 44.28快時間，結合該場形勢，排 11檔起步，入直路走中檔，最後百零米先撻得起衝上嚟。現時評 60分選擇跑三班輕磅兼會有分頭，可一攻而破，馬胆。
「增強」上仗初上三班敗於強對手，查呢場賽事之前賽事水準絶對不弱，068以及 148場次蹄下敗將多駒已補中。今次小休係從化做足工夫，包括登山練氣，加上今場應有步速，有力收復前失。
「健康快車」上仗蝕住慢步速而末段跑岀快時間走入亞軍，屬反步速趨勢馬，呢匹馬今季長期都能保持好狀態。今次賽前再試多課泥閘，明顯有心再拼，正好前文所講，呢場賽事會有步速，三甲馬之選。
「長勝金剛」今年一月起開始係從化做工夫，其中兩課試閘均跑第二，亦試好後上追馬以及跟前走。查血統資料，九成同父馬擅長沙田，做計呢匹馬亦不例外，外地七戰一冠四亞一季，只有一次落第，表現穩定，可作冷選配腳。
(波仔 15/3/2025)
Opmerkingen