得道猴王再下一城

第二場 第三班 (60-80分) 1000米

「年少多好」剛戰以極快步速沿途放鳶，而且谷草千二亦非其擅長，加上直路末段挨入內欄更屬不利路段，敗績未可作準，上季也是跑罷千二後匆匆報名縮程贏馬而回，今場不少對手早段均見慢腳，故有力施回馬槍。

「寰宇豐采」上仗敗於之後識贏賽駒蹄下，小休復出換來體力，而且跑法主動，有力起步咬守好位下挑戰前駒。

「英雄豪邁」雖能力見盡，但快跳仍對辦，少馬場合相信較易取位追趕。

「好多利高」雖然快跳過步姿態未算最俐落，但總算識得追馬，父系不少子嗣均可適應谷草，有基本速度的牠可作冷配。

第九場 第二班 (80-100分) 1200米

「得道猴王」上仗贏來似難實易，沿途二叠有遮擋入直路順勢走三叠輕取對手，蹄下敗將已有「椒椒醒」、「天足貓」隨即補中，賽事水準不容懷疑，雖屬馬房次選，埋門試泥閘走勢輕鬆，有力再下一城。

「晨曦儷人」今季大熟大勇，已多次係反步速趨勢下贏馬，水準甚高；自身跑法主動，今仗繼續排一檔，預期係快馬不多情況下可再一次自已領放跑，或跟守內欄二、三位，形勢上依然佔優，有力威脅前駒。

「美麗緣分」今季七戰同程四冠一亞一季，只有季初初岀一仗落敗，五歲馬大大熟大勇，上仗仍然輕取對手個多馬位，呢類喺未落敗之前絶對不能輕易放棄，升上二班挑戰本身評分新高，集中火力再戰同程力爭今季第五捷，可惜排10檔稍外，如能克服仍可爭。

「駿步騰飛」今季轉馬房後馬匹表現脫胎換骨，今季已先後取得三冠一亞，上仗雖然似有所回落，結果衝入第五名，前五名馬匹甩開後面對手多個馬位。回師同程應有心再一拼此程 ，三甲一席依然有討價還價之力。

(波仔 19/3/2025)