川河動駒縮程出冷

今期再次與波仔前後腳執筆，「名俠」事件相信大家如有緊貼師兄直播，加上哥頓的文字，小米的跟進和事主之一郭能的陳述，相信已經非常清楚，不少朋友私下對師兄講，不要浪費時間，香港馬會真係睬你都傻，的確直到現在仍然零反應，另一邊廂，“主流” 馬工作者繼續按主辦單位劇本依舊宣傳，索性以資訊淹蓋事件，務求沉底，眼不見為乾淨，即使個別單位早前稍作報導，一日過後打回原形，這樣兩極真叫尤達大開眼界! 雖然這幾天我們總動員為此事奔波，亦明知不會有什麼結果，但換個角度，今次除了可以讓事主之一的郭能一吐苦水外，對於現今香港一眾馬工作者對事件之取態應對，今次真的來個睇通睇透，亦證明今日《癲馬》取向正確，一定要繼續堅持，的確今次可謂飲奶力都出埋，但從不少聽眾留言，當中不乏英文，即使辛苦但都值得。

因為同文西西開行 Turbo，上期再次失去大題榜榜首位置，所以今期《癲馬精選》不得不兵行險著揀冷門搏一搏，今次同師兄揀來第八場「川河動駒」上仗轉跑泥地非馬性擅長外，而四甲馬均屬後上當銳的實力馬，所以敗績大可抹去，再者，今仗棄用巫顯來而轉用跑前置馬尚算稱職的黃智弘，可能巫顯東的讓磅已不足夠，假如黃寶妮能在谷草上陣，相信會用小妮子，黃智弘亦有七磅之利，而回看今場應有正常步速，季內兩度千二米入位的牠，今次轉戰一千，其氣量或可在今仗大派用場。

癲馬精選: 第八場 4川河動駒

癲馬 1760基金 (本金全季＄1760，每次投注 WP各＄10)

承上結餘：$ 1949.50；盈/虧：- $ 20.00

結餘：$ 1929.50；回報率：+ 9.63%

(尤達/波仔  23/4/2025)