第二場 第五場 (0-40分) 1400米
「好運寶馬」上仗直路受困繼而要移岀大外欄，到最後三百米才真正展開衝刺，但仍算係追回主馬群落敗。埋門三星期操練工夫正常。轉倉未交代馬回師更有根據的田草千四，排好檔會把握機會攻堅。
「帝豪歡星」上仗陣上屬快步速受害者，末段走勢可貫注贏馬，似乎轉倉後重新納入正軌，埋門快跳馬身飽滿甚壯，環顧今場應冇放頭馬，相信形勢會好跑。
「星運皇爵」跑法雖然被動，但往往末段均可交岀好末段時間。季初 065 蹄下敗將「紅鬆烈馬」、「青春力量」亦相繼補中，賽事水準不俗。埋門試泥閘亦見好，配腳兼顧。
「水龍頭」近兩仗落五班開始見走勢，上仗 318場次係快步速受益情況下，後追回一席第三，時間尚不算太差。今次增程應更合發揮，四歲馬里程新可兼顧。
第七場 第四場 (40-60分) 1650米
「天威」上仗沿途跟前走係屬有利形勢，末段一攻而破姿態輕鬆，環顧同場對手，不乏前領賽駒，估計會有正常步速，加上同程三戰兩勝一位，穩位望贏之選。
「超眼光」無論前仗於快步速下贏馬，或上仗增程受制於慢步速之下都可走入一席季軍，反映馬匹評分仍布上升空間，正如之前提及今場賽事應有正常步速，也是爭勝要角。
「艾莉奧」退出了實力前置馬「一鹿歡騰」後，此駒有機會再度搶前走，相信形勢會好，查上季可打疊入位，故未可言棄。
「閃耀威龍」同程三戰一冠一亞，而且上仗沿途走住三疊，終點才僅負於「超眼光」，亦屬反步速趨勢賽績。呢匹馬踏入今季表現穩定，能跟擅鬥，埋門泥閘走勢仍見好，未可忽視。
(波仔 26/1/2025)
Comments