第一場 第五班 (0-40分) 1400米
「文明福星」前仗係慢步速情況下後上追入第四，如留意呢匹馬直路走勢，不難發覺呢匹馬直路一度未能望空，到最後一百米才有位兼修正之下追返一席第四，落班角逐已夠用。
「凱旋幸運」馬兒季初四班同程亦曾跑入一席第二，評分輾轉下調至五班上陣，得悉降班即蠹上從化且作小休，C欄同程一檔勝岀率及上名率均高，如能把握形勢，也是爭勝份子。
「帝豪歡星」上仗沿途跟守領放馬跑，係相對快步速下跑入亞軍，連續兩場賽事有贏有Q。馬兒正處馬正值復甦期，匆匆再岀相信趁勇用盡。
「星運皇爵」本身並非好材料，但五班跑同程相對係呢匹馬最佳路程。今次排九檔起步，估計可跟守二、三疊留住跑，跑法亦應合何澤堯發揮，失準馬作配脚。
第四場 第四班 (40-60分) 1400米
「嘉應巨昇」曾於 209及 285兩場三班同程快放，頭三段時間均比標準時間快，屬快步速受害者。上仗由於岀閘碰撞而未能放頭跑至敗，賽後返從化操練正常，評分亦下調至 58分降班岀擊，憑呢匹馬本身速度，有力搶前放頭放甩對手敲響勝門。
「開心五月」季初至今陣上表現一般，直到上次岀閘順利，稍推之下搶放係頭競跑，戰至最後二百才被一衆後上馬追過，亦算係在港岀賽以來最好成績。游廄馬見好可以跟進，今場如岀閘際遇好嘅話，留守中間好位可加入戰陣。
「幸運傳承」在 257及 292兩場谷草賽事均可後上跑入殿軍，無獨有偶係呢兩仗都係反步速趨勢馬匹，論賽績計不算太差。上仗落敗後操練正常，同父馬沙田亦合，如立心岀擊，應可走入前列。
「蜜蜜送」插班初岀 PPG，查呢匹馬到港後大部份時間係從化做工夫，當中試閘走勢尚算討好，當中係從化仍不乏登山連氣，埋門谷草試閘成熟，呢組對手亦不算太強，排一檔初岀可留意。
(波仔 9/2/2025)
Commenti