第四場 第四班 (40-60分) 1400米
「安泰」上仗排大外檔起步被迫留後競跑，在慢步速情況下，末段做岀快時間走入一席季軍。賽後從化繼續做工夫無間斷，馬房全面復甦亦值得信賴，同組對手能力爾爾，有力言勝。
「彭玥」上仗鄰近數匹賽駒翌仗可交出表現，賽事水準不俗，埋門加眼罩走勢有進，再環顧今場領放馬不多，有權跟前賺步速形勢而近。
「馬鳳凰」前仗快步速下後上亞軍，屬反步速趨勢嘅第二。上仗排一檔跟前跑，沿途内欄有遮擋下埋門力弱跑第四。經過兩場熱身後應可更進一步，馬房鬥志鮮明，千四肯定合跑，可作馬胆。
「紫荊拼搏」三歲PPG插班初岀，此駒九月開始於從化操練，試閘走勢越見好，回港後近兩課泥地試閘繼續進步，不排除一岀即拼，冷門配脚。
第九場 第三班 (60-85分) 1200米 泥地
今場有「包裝伯樂」，復出既「福國寶」以及出閘未必再俯首前跪的「天足貓」同場，估計早段步速應不會太慢。
「同祥和順」上仗閘前票如雨下，但馬兒起步稍俯首略失先機，然而直路初稍蝕發力起動之下追勢不俗，而事後看總場次 227段速水準不俗，今仗賽前再試泥閘，走勢順滑，回師三班評分組別，有力補中。
「德心知遇」上仗直路連番受到干擾，於泥地賽更加難跑，今仗跟「自強不息」於磅位上有拉闊，不排除有反先可能。
「自強不息」剛戰段速水準也不俗，五歲馬打疊兩場跑啱形勢取一冠一亞，交代有餘，相信幕後趁馬兒難得有狀態及有適合路程下，用盡一時。
「晶晶日上」計往績及卡士在此組絕不下風，而十二檔亦可能把心留前鬥後，雖然傷後復出，但不排除忠心馬往往唞埋第一鋪最好，如偏差有得追配腳可拖。
(波仔 29/12/2024)
Comments