第四場四班 1200米
近兩次在此程得第三名的「伶俐驫駒」，自上季在田草放頭贏得唯一場頭馬後，今季表現反覆，近吓又輸吓，一忽略佢，佢又會走入嚟，今次有一檔，周俊樂減多兩磅，可期望以半冷的身份出擊，季內無乜硬仗，今場前置馬唔多，比佢在前走得順，隨時會有驚喜。谷草比田草好的「精明勇駿」，雖屬今季五班頭馬，在四班只限近，近五次在此程全入前四名，連上場跑田草五班千四米也入 Q，忠心穩定返回贏馬的路程，跑回四班孭 119 磅會好跑，排番內檔又是叫糊贏馬的好時機。
第八場三班 1650米
FIT 咗大半季的「赤兔猴王」，上場孭住 134 磅走二疊，入彎更要由三疊追上，終點前頂得住後駒的追勢在三班再贏，今場又掛頭牌只是比上場加多一磅，但抽十一檔，早段要考驗際遇同取位，如前仗般焗搶怕尾段頂唔住，留又怕走三、四疊，布文近四期都只能以位置交代，馬勇亦只好作配。上場負於前駒的「唯美主義」，以 33 倍冷門身分入 Q，只是負於前駒一條頸位，領先兩場的伍鵬志，旗下馬匹保持得好，而這匹「唯美主義」今仗與前駒檔位形勢掉轉，排四檔早段會攝得好，繼續由剛奪 3W 的希威森上陣，在磅位及檔位的優勢下，可搏反先前駒。
第九場三班 1200米
此程得兩冠一亞及一次季軍的「加州德至」(上圖)，上場已征服三班，跟馬跑亦可取勝，休息了一個月再跑，首次排雙位數字檔位，熟手的蔡明紹停賽而換上艾道拿，慶幸今場會搶前的馬匹不多，而有近績的馬匹不超過三匹，憑當起勇銳，可贏多場。長勇的「正氣青驅」，在三班也會例追一段近的上嚟，上場的三班賽事其第五名是在黏地取得，這匹後追馬要好地才能交得出好表現，查看此駒，今季跑了十三場全入前五名，用鍾易禮孭全場最輕磅，告東尼馬房在前面的場次亦有機會馬例陣，只要場地有得追，其後勁不能忽視。
馬王六環彩提供
第四場 | 9 伶俐驫駒 | 11 精明勇駿 |
第五場 | 3 健康之星 | 4 北海盜 |
第六場 | 2 八駿笑昇 | 3 春風萬里 |
第七場 | 1 東來欣賞 | 3 耀寶駒 |
第八場 | 1 赤兔猴王 | 7 唯美主義 |
第九場 | 4 加州德至 | 10 正氣青驅 |
(馬王 4/7/2024)
Comments