國際騎師錦標賽期間見過澳洲一姐賈傑美身手，這位應屆墨爾本冠軍騎師在香港甚具觀眾緣，正所謂既睇得又騎得，連應家柏都向她開綠燈，希望她可以來港長期策騎，你想還你想，人家一定要領情？唔好意思，賈傑美雖然表示喜歡香港的經歷，不過對長期策騎非常有保留，無他，澳洲多大賽獎金豐厚唔在講，每年大把好馬可以執韁，香港即使高獎金但論跑大賽仍然輸九個馬位，莫講賈傑美，正常嘅今時今日都唔會揀香港，當然隨著莫雷拉掛靴，潘頓亦開始倒數，這些一線騎師退下火線重新洗牌之際，某程度上會製造誘因，令外國騎師重新考慮香港這個地方。
上期[飛凡]雖然未能勝出，但總算扭轉近期劣勢，全組上下當然不敢怠慢，初出馬[你知我拼]今年二月抵港以來操足大半年，同父系最出色在港子嗣乃短途精英[爭分奪秒]，大部份屬短途份子，此駒在港由零開始，無論晨課試閘都展現不俗走勢並加速力甚佳，同場八匹初出新馬以[你知我拼]至為完整，舊馬實力一般下，操夠至出明益麥利奥，[你知我拼]勝望壓一，即使熱門都要揀佢。
癲馬精選
第三場 7你知我拼
癲馬1760基金(本金$1760, 每次投注WP各$10)
承上結餘: $1507.00; 盈/虧: +15.00
結餘: $1487.00; 回報率: -15.51%
(資料組 18/12/2022)
Comments