第五場四班 1400米
賽績硬淨的「至尊高超」，雖然仲未贏馬，跑了三場得兩亞一季，都是以不足一條頸位負於強手，繼續用熟手的艾道拿，靚排二檔對其前置跑法比上場的十三檔大有幫助，蔡約翰馬房已入晒局，近過的馬匹更要留神。今季已有進步的「幸運芙蓉」兩場都跑入 Q，前仗負於已上三班的「信心星」，上場就不敵也是已上了三班的「不同世界」，屬有水準的亞軍，五歲馬季內搏得少，排九檔對換上田泰安索性走外疊，好過要騎者搵位，已接近勝利邊緣，可以作膽。
第七場二班 1400米
五戰得四冠一亞的「包裝天將」，由四班上到二班都贏馬，今場掛頭牌都只是孭百三磅，但加七分後孭多十二磅，用回前仗入 Q 的希威森都算熟手，望能抵消磅位的疑慮，好處是今季兩次排雙位數字檔位都可贏馬，評 93 分仍未見頂，會是一班見面的良駒。同廄另一匹「開心寶寶」，亦屬季內穩定性強的馬匹，五戰有四次入圍，近兩場更連捷，初跑千四米憑馬兒的忠心，相信初遇二班對手也可以近，加上跑法機動佔有一定優勢，如適應到步速及增程，再贏也不奇，今場一於呂健威馬房 Q。
第九場三班 1600米
已贏過三班的「但求開心」，巫偉傑馬房這匹今季 PPG，出道以來五戰全入三甲，上場只以一個頭位追不及跑第三名，若不是出閘慢一慢，又蝕位追，相信已可取第 3 W，今次有番梁家俊排在一檔，熟手人士執韁，加兩分後又比上場孭少兩磅，如日方中無懼增程二百米，如無意外可在這場條件限制賽再贏。呂健威馬房出一對，論穩定性以「遙遙領先」為好，由千二米開始跑到一哩，保持七仗全入三甲，上場初跑一哩排十四檔，只以一個頭位不敵沿途慳位的「大浪圖田」，雙雙亦甩開第三名，季內有表現的「祝願」，何澤堯停賽用周俊樂減磅排在十二檔，未知新手效果如何？加上 C+3 跑道唔知有得追，列作次選較好。
馬王六環彩提供
第五場 | 5 至尊高超 | 12 幸運芙蓉 |
第六場 | 9 智跑得 | 12 越野大師 |
第七場 | 1 包裝天將 | 5 開心寶寶 |
第八場 | 6 真心傳奇 | 11 超霸勝 |
第九場 | 5 遙遙領先 | 6 但求開心 |
第十場 | 2 川河帥駒 | 6 包裝明駒 |
(馬王 12/1/2025)
Comments