第一場 第四班 (40-60分) 1200米
「亮寶」以羅廄馬普遍的晨課觀感來說，此駒仍帶點重口未算放鬆，不過在港五試大閘，有天生基本速度，十二月頭一課草閘守好位騎落算肯追勢，埋門泥閘前速不俗，末段雖然稍稍力弱，而且鄰近不乏已於陣上識贏及追近的馬匹，故水準應可作準，加上今場不排除會出現快步速，可能重口的牠會相對易留放。
「辣得金」有季內贏馬及上名成績的牠，以賽績計算是今組較為「四正」的一匹，希望今仗早段切入領唔會太上口，如可單騎領放走得順，此組賽駒未必容易趕上。
「盛勢威楓」雖然快跳仍略帶崩緊，但過步都算有啲力水，假如領放馬早段鬥搶燒乾，一檔起步的牠不排除慳腳程後湧入一席。
「中環精英」晨課快跳算是今組較好一匹，而且近兩仗早段稍慢腳，加上「黃銅公子」子嗣理應要增程，不過此駒也要考考留放尺寸，所以換上黃寶妮，縱有磅減又要考慮是否做得好留放，所以只作邊線配腳。
第九場 第三班 (60-80分) 1200米
「勇霸龍」近仗連翻於谷草千二贏馬或上名，查此駒沙田千二並不弱於谷草。翻查季初 039場次同程曾跑入第三，賽事水準甚高。近課從化試閘走勢輕鬆，馬房沙田雖賽績一般，但以呢匹馬嘅表現以及操練，應可替馬房爭添田草頭馬。
「英勇快車」上仗係慢步速情況下，做岀最快末段跑入一席第三，亦屬該場嘅反步速趨勢馬匹之一，馬房近期已回復霸氣，配腳亦要兼顧。
「手到齊來」曾經係 174場次同程放頭跑做岀頭八百快時間，而且直路走內欄亦相對不利場地而落敗。呢匹馬評分現已下調至現時 76分可於三班角逐，如順利放岀或咬住放頭馬跑，相信此駒可放入一席。
「奔放」今場新加入對手中試閘做足準備工夫嘅一匹，尤其近課從化閘直路稍騎已交岀甚佳反應。雖然呢匹馬外地賽績顯示呢程屬偏短，但初次上陣縮程亦屬合理，冷門配腳。
(波仔 1/1/2025)
Comments