第一場 第五班 (0-40分) 1800米
「至旺財」跟前駒同是 318場次岀品，過終點名次亦比前駒較佳，該場亦屬跟前馬匹，而留意該場過終點模式，此駒屬反步速趨勢馬，更與頭馬單打獨鬥跑第二。近課練馬師親試草地，立心替呢匹馬開齋贏馬做好準備。
「連連勝利」前仗跑同程頭兩段時間比另一組四班，以及較後場次三班同程都要快，屬快步速受害者落敗屬意料之内。上仗縮程係慢步速優勢下，結果走入一席亞軍。游廄見好馬一般可保持，匆匆再出力求快交代，戰意好作首選。
「可愛新星」上仗跑第四，身前身後個別對手再岀都有一定表現。呢匹馬今季初兩場賽事走勢岀色，兩仗後上末段都能跑岀快時間。埋門試大閘沿途放係前面走勢吸引，退熱後提防變身。
「全城帶勝」季初 057場次四班同程跑第四，該場賽事呢匹馬沿途包尾衝上嚟跑第四，表現不過不失。上仗落敗後送往從化小休兼重新做工夫，近一課泥地閘騎落去亦交岀走勢。唯今仗抽到大外檔會考驗留放，故作配較合。
第四場 三級賽 1800米
今場缺乏如「馬會盃」及「一月盃」採取放頭跑法賽駒，預計早段步速會相對偏慢，
「又龍穿鳳」近仗一而再如快步速劣勢中跑入位，七歲馬正逢第二春，無馬放場合少負十二磅更好跑，相信幕後不再任留保留。
「安騁」香港瓶表現對辦，拼後不再急於出賽，部署向善，今仗因有 直線力山 列陣而無需負重上陣，形勢亦好。
「觔斗雲」國際賽後小休一週再復課，兩試大閘走勢對辦，七歲馬狀態未有低落，今場前置賽駒相對偏少，跑法主動的牠或在陣上形勢獲利。
「越駿歡欣」 雖然上仗於一月盃屬雙賺形勢之下追入Q，但相對負重磅也有一定壓力存在，由此反映此駒跑三級賽有一定級數。
(波仔 31/1/2025)
Comments