一生好彩值得再追

執筆時尤達剛睇完沙地盃，「浪漫勇士」這個亞軍絕對唔失禮，只是輸畀擅長泥地的「青春永駐」一條頸，兩駒彈甩季軍馬近十個馬位，麥道朗全場走位近乎完美，今仗相信亦不損元氣，可照原定計劃出戰杜拜草地大賽，詳細賽後點睇留待師兄出再講，日本方面星期日上演 2025年首場一級賽二月錦標，泥地千六米，戲碼方面或者因有馬出戰沙地盃而變得一般，師兄喜歡一對馬，分別是 1號橫山武史座騎 Emperor Wakea及 9號金美琪座騎 Costa Nova，兩駒具備東京競馬場千六米頭馬賽績，後駒上場於三級賽根岸錦標後上贏馬表現悦目，今有金美琪執韁可望再下一城。

與波仔研究過後，今期《癲馬精選》揀第三場的「一生好彩」，上仗初出已在尤達 Best Bets 率先推介，該賽起步緩慢，大部份時間居於後列，頭馬「威武年代」主宰步速一放到底，「一生好彩」雖然只得第五但造出全場最快末段 (22.40)，有過一次經驗加上今次排十二檔，相信霍宏聲會更加小心，埋門拍跳身輕步爽，狀態更勝上回，如早段能主動跟前，憑其勇態有力提升名次，甚至補中，故決定再追一次。

癲馬精選: 第三場 7一生好彩

癲馬 1760基金 (本金全季＄1760，每次投注 WP各＄10)

承上結餘：$ 1960.00；盈/虧：- $20.00

結餘：$ 1940.00；回報率：+ 10.23%

(尤達  23/2/2025)