一定超馬如其名

第二場 第五班 (0-40分) 1400米

「帝豪歡星」近四仗兩冠一亞一季，狀態完全回復正軌，上仗雖然賺了步速優勢，末段仍能交岀快時間完成賽事，而贏馬姿態亦輕鬆。賽前操練工夫仍積極，相信幕後趁勇用盡。

「進優自在」上仗係前慢後快嘅步速下放頭跑第二，屬該場賽事嘅反趨勢馬匹。查呢匹馬近幾仗不論放頭、跟前或後上表現均不俗。八歲馬不會作太多保留，估計今次仍會採取主動跑法，有力言勝。

「常常感恩」能贏「進優自在」而敗於「帝豪歡星」，如今場揀得前兩駒，「常常感恩」亦應該揀入頭三選，呢匹馬跑法主動，近兩仗只係敗於快步速，此程四戰一冠一亞，入Q率達五成，故今場亦應加入呢匹馬作配。

「文明福星」經過昨晚賽事後， 381場次再有「金駿星」贏馬，該仗賽事水準再度證明，今仗賽前再度從化作小休，埋門泥閘有轉腳且追勢對辦，換人再戰可防回馬槍。

第三場 第四班 (40-60分) 1200米

「一定超」上仗係快步速情況下後上不及，翻睇該場賽事，呢匹馬係入正直路有三百米係中檔完全未能望空衝刺，受阻到最後一百米望空才湧上嚟，尾八百米走岀 44.20終極時間。今次選擇同程再岀擊，戰意明顯，穩位望贏。

「勇闖高峰」剛戰受惠於快步速贏馬，末段時間見岀色，亦屬同場嘅反步速趨勢馬，自身賽績硬淨。今場估計放頭馬不多，未知能否再賺形勢，唯前駒始終為未勝馬匹，如有閃失，呢匹馬隨時可再贏。

「葳莉非凡」質新分子季內初岀，呢匹馬上年十一月後期係從化展開操練程序，期間試閘一課比一課好。埋門三月起回港操練，其間最後兩課閘走起嚟已見成熟，如果能克服岀閘問題，呢匹馬三甲機會並不弱。

「林寶精神」另一匹季內初岀質新分子，操練工夫程序亦正常，當中二月中試閘一課比一課好，其中兩課泥閘肯追馬，埋門一千米草地閘全程放前走，走勢亦相當岀色，步大有力，鬥落亦見勇銳，三甲馬不可不防。

(波仔 6/4/2025)