元旦日賽事亮點不多，最矚目相信是馬會為即將打破韋達在港頭馬數字的潘頓特設一座倒數鐘，而本月牛一的潘一哥近期戰意如虹，不時大演帽子戲法，好不威風，但同為澳州鄉里的布文為何今季已經由 OK哥變了 HELLO文呢? 雖可說上月麥道朗再度東來客串，而「世一麥道朗」贏馬數字亦比上季多，但布文其實現時頭馬比上季同期更多贏四場。波仔相信布文成了網民眾矢之的，好可能是有一定寄望值，但沒有「嘉應高昇」，「浪漫勇士」，其代表性頭馬唔夠多，而且長期要騎中上磅賽駒，在緊湊的評分制下，有幾多是大把虛分賽駒落在牠手上呢？所以如果無「破地獄」呢套戲，可能布文都唔知原來自己咁紅！
今次《癲馬精選》揀第三場泥地一哩的「一先生」，雖然今場大部份都同樣負輕磅上陣，同程根據相對「魅力寶駒」「龍之輝」多，而牠的一勝一位更在二班評分區域取得的，亦相對「都靈福星」及「黃腳鱲」較為硬淨，而上場重現追勢，相對無太多近績而換來賠率，搏幕後今場出撃。
癲馬精選: 第三場 2一先生
癲馬 1760基金 (本金全季＄1760，每次投注 WP各＄10)
承上結餘：$ 2058.50；盈/虧：- $20.00
結餘：$ 2038.50；回報率：+ 15.82%
(波仔 5/1/2025)
Comentarios