第六場四班 1200米
次仗已補中的「無限美麗」，可與有路程認證的「皇帝英明」雙雙甩開後駒成四個馬位，雖然只以四分三馬位贏馬，其贏馬姿態輕鬆，最後二百米的衝勢已篤定取勝，四歲南半球馬走勢仍有點稚嫩都贏得，蔡廄 PPG兩戰谷草此程都入三甲，繼續由熟手的艾兆禮在原班上陣，排八檔未算太差，有分在手可再下一城。近兩次配巫顯東的「上校」分別在上季贏馬，而上場亦放入第三名，此駒一落到 41分便配上他減磅出擊，今場只有一檔孭住頂磅的「精選威」屬相同跑法，而「上校」排在九檔，與前駒相差 21磅，必定力搶在前領放，已見盡的七歲馬冷冷地望能放入一席。
第七場三班 1650米
潘頓揀騎前仗由他贏馬的「飛輪步」上陣，此駒今季自轉到此程後四戰全有三甲，今場唯一放頭馬無懼九檔，潘頓贏馬一役正是自造步速放贏對手「威武覺醒」，雖然比起首次贏馬時加了十磅，只要喘鳴症不再復發，可搏賺形勢重施故技以快步速偷襲。初上三班的「獨角獸」負於已在此班再贏的「威武覺醒」兩個馬位得第四名，今次搵返大前仗贏馬的何澤堯，當起的五歲馬今季六戰得三冠一亞及兩次第四名，已踏入正軌憑藉 120磅的輕磅之利，適應了一場三班賽事，有望提升名次。
第八場三班 1200米
新勝的「一代天嬌」(上圖)，這匹靠後追的馬女，在最後三百米一度受困要向外移先有位，打落去衝刺強勁，在以為會輸的情況下爆 22秒90的末段時間贏馬，今場雖然後上馬多，有三班賽績的不多，加上伍鵬志馬房可維持賽駒的穩定，巴度停賽益咗潘頓，排十檔對後追馬可減少上場一度受阻的風險，已有谷草此程三戰都得獎金的證明，望能克服到頂磅有權再W。轉場的「精算暴雪」四戰田草得兩冠一亞及一殿，上場第二次在三班出賽已補中再贏，賽前更試多課閘，全程順跟得第三名，蔡廄已有表現的 PPG相信轉場都可以適應，守好位跑排在三檔亦夠安全，田泰安的馬匹要睇佢之前場次的手風如何，所以列作副選。
馬王六環彩提供
第三場 | 6長發 | 8新幹線 |
第四場 | 5浪茄仔 | 9萬眾開心 |
第五場 | 2皇仁福星 | 7威威鬥士 |
第六場 | 2無限美麗 | 11上校 |
第七場 | 2飛輪步 | 12獨角獸 |
第八場 | 1一代天嬌 | 5精算暴雪 |
(馬王 17/1/2024)
Comments