今期《癲馬精選》再次與波仔一同執筆，有留意上期「自然力量」賀銘年如何發揮，大家便可明白此君為何至今只得一W! 曾經有練馬師謂：“跑長途賽首選歐洲騎師”，因在英愛法三地，跑長途賽除步速外，沿途韁繩運用留放幫助馬匹放鬆，一些稍欠長力的馬匹往往需要這來彌補不足，過去賀銘年有 “後勁年” 之稱，今季他有甚多進退失據的演譯，「自然力量」掛頭牌負頂磅，早段過份地居後，跑至一半仍未知覺，結果如何不用師兄重覆! 這幾個星期師兄在港睇馬，眼見如賀銘年般發揮，實在相當懊惱，感覺對香港賽馬越來越陌生，無奈之極! 以下交由波仔接力。
今次揀第八場東廄的「連連有盈」，此駒季初憑新鮮感於千二米僅勝，而廄主亦已摸通戰鬥力稍減的牠近仗轉戰直路賽，雖然今仗再跟老對手「添開心」及「英雄豪邁」對壘，但在負磅上跟「添開心」拉闊至十七磅，而後改由潘頓執韁之下，預計獨贏賠率會欠缺值搏率，所以在商討後，我們決定選取有點分頭的「連連有盈」作為今次《癲馬精選》馬膽。
癲馬精選: 第八場 14連連有盈
癲馬 1760基金 (本金全季＄1760，每次投注 WP各＄10)
承上結餘：$1973.00；盈/虧：- $20.00
結餘：$1953.00；回報率：+ 10.97%
(尤達，波仔 29/12/2024)
Comments